رائحة الثلاجة مش عارف أعمل فيها إيه :-(

السلام عليكم ورحمة الله

مش هطول عليكم أنا هبدأ فى الموضوع على طول
أنا كنت سايب شقتى لمد أسبوعين كده وكنت حاطط فى التلاجة فى الفريزر لحوم وفراخ مجمده المهم واحد ابن حلال ربنا ينتقم منه نزل مفتاح الكهربا بتاع الشقه العمومى اللى برا جنب العداد حد هيقولى ومفتاح عمومى برا الشقه ليه هقولك انا مشترى الشقه كده هى عماره جديده فى 6 اكتوبر والنظام فيها كده معمول مفتاح عمومى قبل دخلة العداد كمان ,, ما علينا المهم واحد ظريف نزل المفتاح والله اعلم الثلاجة فضلت مفصوله كام يوم المهم روحت بفتح باب الشقة كأن فى قتيل جوه ريحه لا تطاق ووحشه جدا المهم رميت كل اللى جوا لتلاجه سليم أو بايظ وفصلتها وغسلتها بكل انواع المنظفات وسيبتها تتهوى كام يوم المهم برده لسه الرائحه موجوده فيها هى خفت جدا بس لسه موجوده وساعات بتكرف على الحاجات فى الفريزر زى العيش واللحمة وبتخلينى أقرف أكل حاجة فضيت التلاجه وغسلتها تانى برده لسه الرائحه سايبه أثر
مش عارف أعمل ايه الحاجه اللى فاضله انى ارميها أشترى واحده تانيه بس حرااااااام دى جديدة
محدش فيكم عنده مقتراحات أو قابلته مشكلة زى دى أو فى حاجه ممكن احطها فى التلاجه تمتص الروائح
:H_angry[1]:

وعليكم السلام ورحمة الله وبركاته

قدر الله وما شاء فعل وربنا ينتقم من الى عمل كده

نصيحتى انك تضع بداخلها قطعة فحم يمكن ان شاء الله تسحب الريحة
وحاول تهويها جيدا وممكن تتغلب على الريحة بوضع فاكه ذات رائحه قويه مثل الجوافه

وان شاء الله تبقى 100 100 وياريت تقل لنا ايه الى يحصل

حط فيها فحم

أول حاجه تعمل محلول ديتول ( مية + ديتول ) يعني عشان تطهر التلاجه ياريت حد يأكد إن الديتول مافهوش خطر في التلاجه
مش عارف إنت إستخدمتوا و لا لأ

بس أنا قابلني موقف مشابه و بهدلت التلاجه ديتول و فكيت مثلا مكان اللمبه كان فيه حاجات غريبه كل الأماكن اللي فيها فراغات فكيتها و لقيت بعد التنضيف في لسه بقايا حاجات معفنه في الأماكن دي

و بعدين سبتها شغاله من غير أي حاجه جواها و حطيت فحم ( و مش عارف سبب علمي للفحم ده بس الناس بتحطوا )

رجعت كويسه تاني

بس في الآخر جبت تلاجه فيها بلازما كلاستر عشان تقضي على الروايح خالص

إغسل التلاجه غسله كويسه , و طلعها بيتها فى البلكونه خل الهوا و الشمس يضربوا فيها

و لما تدخلها و تشغلها حط فيها طبق فيه فحم

هات تلات اربع أكياس فحم و انشرهم في الفريزر و هو فاضي و يومين و لمهم و أرميهم و كل ما القطع تبقى كتير و مساحة سطحها كبيرة تبقى احسن عشان الامتزاز

كوب من الخل او بضع ليمونات اشطرها نصفين و ضعها في الثلاحة و ستمتص كل الروائح الكريهة

فوطة مبلولة خل و نضف التلاجة بيها من جوة و ترش خل جوة التلاجة فى أماكن مختلفة و ان شاء الله الريحه هاتروح تماما.

قماشة بخل ابيض وبعدين قطنة بفانيليا وعصير ليمون او برتقال
واكيد الفحم

طبق فيه بيكربوناتو

وكوب مكشوف فيه لبن

اقتباس:

---

المشاركة الأصلية كتبت بواسطة أحمد كمال

هات تلات اربع أكياس فحم و انشرهم في الفريزر و هو فاضي و يومين و لمهم و أرميهم و كل ما القطع تبقى كتير و مساحة سطحها كبيرة تبقى احسن عشان الامتزاز

---

ايه الامتزاز ده يا بشمهندس؟

كلها نصايح مجدية
وجرب كمان ميه بكلور مركز واغسلها الغسلة التمام

اقتباس:

---

المشاركة الأصلية كتبت بواسطة kareemz

ايه الامتزاز ده يا بشمهندس؟

---

ط§ظ…طھط²ط§ط² - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط.ط±ط©

ممم بص اهم حاجة تغسلها بمنظف بيكون مخصوص للتلاجات وتهويها شوية

و بعدين تجيب عصير اللمون مع الخل وتغسلها بيهم تانى

وبعد كدة تجيب الفحم و معطر ثلاجات وتشغل التلاجة وهمفيهم مقفولة يوم او يومين


وان شاء الله هتلاقة مفيش اى حاجة خالص

مش عاوز أحبطك
حصل لي نفس المشكلة من سنة ونص في شقتي في إسكندرية
وجربنا كل حاجة
وإضافة لما سبق فانيليا كمان
طبعاً الريحة قلت كتير أوي عن الأول
بس لا زلت حاسس بيها في كل حاجة بتتحط في التلاجة زي مانتا بتقول

المشكلة انك نضفت الاجزاء الواضحة امامك فقط

في اجزاء تانية متقدرش توصلها بسهولة
زى مجرى صرف المياه من الفريزر

وفي كمان علبة على الموتور بيبقي فيها مية الصرف

وفى مجارى هواء

وممكن يكون في جزء مش راكب كويس او كسر في الكابينة البلاستيك و المياه وصلت للعازل

علي العموم كل نوع ثلاجة وكل موديل بيختلف عن التاني في الحجات دى

فأحسن حل هات صنايعي شاطر يفك الاجزاء دى وينضفها هو

--------------
محمد سالم

اضافة لما قال الزملاء ...... مكن كمان تحط فيها بطاطس ..... البطاطس بتمتص رائحة العفن ....لكن حط البطاطس بعد ما تشغل التلاجة علشان البطاطس نفسها ما تعفنش
واقطع البطاطس نصفين ... لا تضعها كاملة
ودي وصفة علشان الرائحة اللي بتبقى في الفريزر والتلاجة نظرا لطول فترة التخزين

شكرا جدا ليكم كلكم على النصايح الكويسه وفعلا انا جربت معظمها زى الغسيل بالكولور والمنظفات
ناقص بس الفحم وانا حطيته دلوقتى ونشوف وربنا يكرم ان شاء الله